Македонија

Објектот кај „Мавровка“ е дивоградба – Општина Чаир тврди дека ќе биде урнат

Ниту е издадено решение за градба, ниту објектот кај „Мавровка“ се гради законски – велат од Општина Чаир за Телма.

Мајсторите и денес се на градилиштето и работат неуморно на летните температури. Секојдневно напредуваат во изградбата и тоа што го градат е се поблиску до конечниот изглед.

Но, инспектори веќе дошле да ги посетат и утврдиле дека не му е местото таму на објектот којшто никна каде што порано беше кафулето „Фонтана“ пред да изгоре во пожар.

„На втори јули имаме примено известување од страна на Министерството за внатрешни работи, кои при извршената инспекција на лице место утврдиле дека сопственикот на објектот не поседувал дозвола за изградба на истиот.“ велат од Општина Чаир.

Наместо да биде завршена, градбата треба да биде урната и тоа деновиве. Од Општина Чаир ни кажаа дека нивни, општински градежни инспектори, дошле на местото на 10 јули да проверат што се гради, а направен е и записник за тоа.

Потоа, истиот тој ден, овластениот градежен инспектор од Чаир има донесено одлука со која се бара инвеститорот да го отстрани објектот и тоа во рок од осум дена.

Оттогаш се поминати единаесет, а во зависност од тоа кога инвеститорот бил известен, тој сега треба да започне го урива започнатото – наместо да продолжи да го крева објектот.

Од Чаир велат дека заедно со МВР ја следат состојбата.

Петар Догов

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Полицијата го најде возачот кој со мотор удри дете и избега во скопски Бутел- детето има повреди

Дејан Дејан

ЦУК: Можно e зголемување на водостојот на реките во западниот дел на земјава

Дејан Дејан

Алијанса за Албанците: Мицкоски и Филипче ги поделија сферите на интерес и се договорија да ја задушат правдата

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе