Институт за Европска политика: За квалитетни разговори на маса мора да бидат барем дел од записниците, во спротивно, дилемите остануваат

Недостигот на протоколот меѓу документите што се испратени пред пратениците оневозможува суштествена дебата во Собранието, иако разговори мора да има и тоа на што пошироко ниво, забележуваат од Институтот за Европска политика. За квалитетни разговори, велат, на маса мора да бидат барем дел од записниците, во спротивно, дилемите остануваат.

Сѐ уште не може да се даде ниту конкретен одговор на прашањето, дали доколку се одбие францускиот предлог, ќе добиеме друг? Не се знае до кои консултативни фази е поминат документот во ЕУ, оттаму велат, и пораките во оваа фаза од типот на „тоа е тоа„, се повеќе политички, за да се прифати фактот дека, дел од спорните билатерални прашања се вклучени во рамката.