Населението во Македонија старее, наталитетот е низок , па за да се подобри продуктивноста во земјава , Центарот за образование на возрасни , со поддршка на Министерството за образование и ЕУ, изготви Стратегија за образование на возрасни , за периодот 2025- 2030 година. Преку неа Македонија ќе се обиде да го постигне европскиот просек од 47% вклученост на населението во различни типови образование, кој сега изнесува 25%, а се однесува на граѓани, на возраст од 25 до 64 години. Ова го кажа министерката за образование Јаневска, на денешната презентација на Стратегијата , која се базира на концептот на доживотно учење и е дел од реформите во образовниот процес. За да профункционира Стратегијата, донесен е нов Закон за образование на возрасни, со два нови инструменти: акредитација на институции и валидација на програми. Тие програми се направени согласно спроведената анализа на пазарот на трудот, а за стекнување нови знаења и вештини, различни категории граѓаните ќе треба да се пријават на обуки, рече Јаневска.
- Тоа би значело пократки, подолги обуки, дообука, реобука некаква, за тие невработени луѓе, маргинализирани групи, социјално ранливи групи , кои би можеле побрзо да се вклучат на пазарот на труд, преку програмите што ги изготви Центарот и институциите кои што ќе ги акредитира Центарот, кажа Весна Јаневска, министерка за образование и наука.
- Главната цел на Стратегијата е имплементација на европските образовни вредности во нашиот систем. Т.е. европски образовни политики и практики за возрасната популација, преку неформалното образование , па до делови од формалното образование, рече Садудин Садики, в.д. директор на Центарот за образование на возрасни.