Дневните бројки на зaболени од КОВИД 19 ќе растат уште две недели, а во почетокот на април се очекува овој бран да го достигне врвот. Тоа ќе трае десетина дена, а од средината на следниот месец, бројот на позитивни ќе се намалуваат, вели универзитетскиот професор д-р Дејан Трајковски во најновата математичко статстичка-анализа за епидемиолошката состојба во земјава.
Но, овие проекции можат да паднат во вода доколку има поголем број на високоризчни настани и масовно непочитување на мерките
Доколку се остане вака како што е од сегашните просечно 780 нови случаи на ден, во пикот би имале 1100 во просек, со тоа што во одредени денови би имале и по 1300 и 1400 нови слуачи. Но, може да биде проблем ограниченото тестирање. Моментално гледаме се процесираат 4400 тестирање на ден, а за да можеме да ги регистрираме сите нови слуачаи треба да се прават по 5000 тестирање на ден, што не е јасно дали ќе се постигне, вели проф. д-р Дејан Трајковски, професор на Технички факултет-Битола
Иако британскиот сој на вирусот е далеку позаразен, сепак стапката на позитивни тестови во овој бран е речиси двојно помала отколку во ноември, што се должи на високата стапка на стекнат имунитет кај населението.
-Убаво се гледа дека бројот на тестирање расте, а бројот на тестирани е во директна врска со бројот на експонирани лица на вирусот. Ние имаме повеќе експонирални лица отколку во ноемврискиот пик. Тоа најдобро покажува дека британскиот сој е попреновлсив, но, од друга страна поради поголемиот степен на прележаност во одно на ноември, тоа не резултира со толку високи бројки на новодијагностицирани, вели Трајковски.
Трајковски не очекува голем ефект од полицискиот час кој е на сила во државата. Вели дека разврската на епидемијата во Македониј а, според него ќе биде со прележување на вирусот, а не со вакцинирање на населението или со рестриктивни мерки.
Емилија Мисирлиевски