Полицијата денеска поднесе кривична пријава против градежна инспекторка пд Куманово која со општински пари наредила уривање на дивоградба наместо да издаде наредба самиот инвеатитор да си ја урне дивоградбата.
Пријавата е објавена во попладневниот билтен на МВР, само неколку часа откако семејството на инспекторката одржа прес конференција пред кумановскиот суд и го обвини судот дека врши тортура бидејќи 4-ти месец по ред ја држи во притвор инспекторката при завршена истрага и поднесено обвинение против неа за примање мито пд 4000 евра пд градежник.
Во билтенот не е посочено дали двете пријави се поврзани со ист случај ниту пак е посочено времето на извршување на дејствието.
МВР во пријавата потенцира дека штетата врз општинскиот буџет изнесува околу 8250 евра кои биле потрошени за отстранување на дивоградбата во Куманово.
Во продолжение, информацијата од билтенот на МВР и текстот за протестот:
СВР Куманово поднесе кривична пријава против Л.Т.(60) од Куманово поради постоење основи на сомнение за сторено кривично дело ,,злоупотреба на службена положба и овластување“. Пријавената, градежен инспектор во општина Куманово, извршила инспекциски надзор на објект во Куманово и констатирала бесправна градба, за чие отстранување наместо да го задолжи правното лице, донела заклучок отстранувањето да го изврши општина Куманово, со што го оштетила буџетот на општина Куманово за износ од 498.503 денари.