Најмалку двајца Палестинци, меѓу кои и една жена, загинаа, а неколку други се повредени во израелски воздушен напад врз станбена зграда во јужниот дел на Појасот Газа. Телата на убиените и повредените се пренесени во кувајтската болница во јужниот град Рафах пред да бидат пренесени во болницата Абу Јусеф ал-Наџар. Во друг воздушен напад е погодена куќа во кампот Нусејрат во централниот дел на Појасот при што загинаа пет лица, меѓу кои две деца и една жена.
Палестинците во Газа оваа година го празнуваат Рамазан во услови на немилосрдна воена кампања што ја почна Израел како одговор на невидениот напад на Хамас на 7 октомври, кој резултираше со смрт на околу 1.200 луѓе.
Во израелската инвазија на Газа, според здравствените власти во малата енклава, загинаа над 31.000 Палестинци.