Членовите на „огнената група“ во ДУИ утре нема да бидат исклучени од партијата, туку разрешени од партиските функции, говорат информациите на „Телма“. Исклучувањето од партијата би придонело за поголемо факторизирање на незадоволните зад кои и сега стои голем дел од партиското членство, затоа и засега ќе им бидат одземени само партиските позиции.
На седницата на Централното претседателство, што ќе се одржи во седиштето во Мала Речица, ќе се зборува за наводните прекршувања на партискиот статут од страна на овие лица, утврдени од Надзорниот одбор. Одборот вчера се состана во отсуство на двајцата членови од оваа група,од кои едниот, Муса Џафери, е и претседател.
Со седницата претседавал Али Ахмети, кој од овој партиски орган бил информиран за статутарните прекршоци што ги направиле од „Огнената група“. Врз основа на овие заклучоци, Ахмети ќе го почне процесот за разрешување.