Велес се шири во горниот дел, кон населбата Превалец, и урбаната населба Речани која што е планирана уште пред 30 години. Значи таа не е дива населба. Околу тоа што се гради во моментот околку езерото, не можам да кажам кој го дозволил тоа, дали е легално, итн., рече Маја Хеско, кандидатка за градоначалничка на Велес од коалиција за локални избори 2025 предводена од СДСМ, во вечерашната дебата во „Топ тема“ на Телма ТВ.
„Општина Велес многу одамна нема донесено Генерален урбанистички план. Значи, првото финансирање треба да биде во тоа. И Детален урбанистички план. И за градското подрачје и за приградските населби. Ова што се случува со езерото сега и градењето на населбата, мислам дека може само актуелниот градоначалник да ни одговори – како е дојдено до таа населба, дали е тоа урбанизирано, како се дадени дозволи за градба. Мислам дека тој може да ни каже“, истакна Хеско.
С.Д.