Претседателот Доналд Трамп го поздрави изборот на папата Лав, нарекувајќи го „голема чест“ за Соединетите Американски Држави што најновиот папа е Американец. Трамп во изненадувачки прес пред Белата куќа рече дека е „малку изненаден“, но „среќен“. Мисионерот роден во Чикаго го зеде името Лав XIV.
Во своите први зборови како наследник на папата Франциск, тој повика на мир, дијалог и мисионерска евангелизација. Кардинал Роберт Превост, кој сега има зголемено влијание во јавниот и црковниот дискурс, во минатото јавно ја критикувал политиката на Доналд Трамп, особено во однос на имиграцијата.
Тој пишувал објави што го осудуваат користењето на терминот „лоши момци“ како поттикнувач на расизам, како и пораки со поддршка на програмата за заштита на младите имигранти без документи. Една од најцитираните негови објави е од 2018 година, споделена од кардинал Блејз Џ. Купич.
„Нема ништо христијанско, американско или морално оправдано во политика што им ги одзема децата на родителите и ги сместува во кафези. Ова се случува во наше име и срамот е наш., напишал Превост“.