Основниот суд во Скопје целосно го прифаќа обвинението за предметот за злоупотреби и јавни набвки во РЕК Битола под работно име „Адитив“ и ќе им суди на 31 обвинет кои според обвинителите сториле кривични дела од несовесно работење во службата, дел злосторничко здружување и злоупотреба на постапката за јавен повик, а четворица пред судот ќе се бранат за перење пари.
Судот следно ќе закаже термини за рочишта. За потсетување, предметот Адитив со денови е актуелен во јавноста откако обвинителите отворија постапка против претседателката на Државната комсија за спречување на корупција со сомнеж дека Татјана Димитровска оддавала службени тајни на првообвинетиот во „Адитив“, Небојша Стојановиќ.
Обвинетите управители и сопственици на правни лица откако организирале и извршиле пререгистрација на дејност на нивните правни субјекти, како економски оператори – учесници во постапки, меѓусебно се договарале да ги изиграат постапките за набавка на адитив за јаглен за потребите на АД ЕСМ – Подружница РЕК Битола и подружница РЕК Осломеј се со цел да се стекнат со над 6,5 милиони евра, се наведува во обвинителниот акт против нив.