Израелски воени сили извршија напад во близина на претседателската палата во Дамаск, при што премиерот Бенјамин Нетанјаху порача дека акцијата е насочена кон заштита на друзиската заедница во Сирија, која е цел на напади по падот на режимот на Башар ал-Асад во декември.
Ова е втор напад за неколку дена и доаѓа во време на меѓуверско насилство меѓу Друзите и Сунитите, особено во градот Џарамана, каде судирите започнаа по аудио-снимка со навреди кон пророкот Мухамед. Насилството се прошири и во други населени места, со над 100 загинати.
САД го осудија насилството врз друзите и побараа прекин на борбите. Привремениот претседател Ахмед ал-Шара се соочува со големи тешкотии во стабилизирањето на земјата, која останува длабоко поделена по соборувањето на Асад.