Европската комисија сака да воведе општа годишна инспекција за постари автомобили. Целта е да се зголеми безбедноста на патиштата, но конечна одлука сè уште не е донесена. Пред предлогот да стапи на сила, за него ќе треба да се согласат и Европскиот парламент и земјите-членки на Европската унија.
Еден од предлозите се однесува на сопствениците на постари автомобили кои првпат биле регистрирани пред повеќе од десет години. Во Германија, такви се повеќе од 23,4 милиони автомобили, што претставува 47,1 процент од вкупниот број автомобили.
Исто така, Европската комисија смета дека е потребно да се заштитат купувачите на половни возила, бидејќи има сè повеќе измами со фалсификување на билансот на километражата. Во однос на второто, според предлогот на ЕК, сите земји-членки треба да воспостават национални бази на податоци за отчитувањата на километражата.
Откако овие предлози на Европската комисија ќе бидат разгледани од Советот на ЕУ и Европскиот парламент, ЕК треба да подготви конкретен законодавен предлог, кој се очекува да биде готов подоцна оваа година.