Од министерството за внатрешни работи (МВР) се огласија за инцидентот кога таксист се качи на своето возило додека пајак го кревал мерцедесот на Фатмир Џелили. Џелили во изјава на Телма објасни дека повиканите службеници од МВР и вработен во Градски паркинг го привеле него, иако на локацијата за регуларни такси возачи биле паркирани диви таксисти.
МВР пак посочи дека таксистот агресивно се однесувал.
„На 28.04.2025 во 12 часот на булевар „Кузман Јосифовски Питу“ во Скопје, полициски службеници од СВР Скопје го привеле Ф.Џ. (57) од Скопје, поради тоа што додека со пајак возило му било подигано неговото такси возило, агресивно се однесувал кон полициските службеници, се качил врз возилото и одбивал да се симне. По целосно документирање на случајот ќе следува соодветен поднесок“, ни одговорија од МВР.
Џелили, пак, обвинува дека на такси стојалиштата околу Автобуската и Железничката станица во Скопје врие од диви таксисти или како што ги вика цивилни возила и дека има мито и корупција на паркингот.
(видео)Таксистот Џелили опишува како му го дигнале автомобилот со пајак заедно со него на кровот