Во руски напад на вториот по големина украински град Харков утрово загина едно лице, а најмалку 60 се повредени, соопшти Државната служба за вонредни состојби на Украина.
Градоначалникот на Харков, Ихор Терехов, изјави дека како резултат на нападот оштетени се 20 станбени згради и 30 приватни куќи.
Терехов рече и дека според прелиминарните информации, нападите врз Харков биле извршени со „балистички ракети опремени со касетна муниција“.
Ова е трет голем напад од почетокот на годинава врз цивилна инфраструктура откако претходно напади со големи цивилни жртви Русија изврши врз градот Суми, а претходно и во Криви Рих.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.