Москва ослободи Руско-Американски државјанин откако претходно меѓу двете земји беше спроведена размена на затвореници во насока на подобрување на меѓусебните односи. Ксенија Карелина вчера се врати дома во САД каде што ја пречека нејзиниот вереник.
Таа беше ослободена претходно истиот ден во замена за Руско-Германски државјанин кој беше затворен во САД поради обвиненија за шверц. Карелина беше уапсена во градот Екатеринбург на Уралските Планини во февруари 2024 година и осудена за предавство под обвиненија кои произлегуваат од донација од околу 52 американски долари на добротворна организација за помош на Украина.
Американските власти го нарекоа случајот „апсолутно смешен“. Карелина беше меѓу големиот број Американци уапсени во Русија во последниве години, бидејќи тензиите меѓу Москва и Вашингтон се зголемија поради војната во Украина.
Нејзиното ослободување е последното во серијата размена на затвореници од висок профил што Русија и САД ја извршија во последните три години – и второ откако Трамп ја презеде функцијата и ја смени политиката на Вашингтон за изолација на Русија во обид да се стави крај на војната во Украина.