Засега нема никаков застој во испораката на гас во Македонија, потврдија од „Макпетрол“. „Нема никакви пречки во снабдувањето со гас. Цената на гасот во иднина ќе зависи од новонастанатата ситуација и од понудата и побарувачката, велат од „Макпетрол“ .
Компанијата соопшти на крајот на минатата година дека ги обезбеди потребните колични гас од „Гаспром“ за сите свои потрошувачи, компании кои со години ги снабдува со енергенсот.
„Макпетрол“ го склучи договорот со руски „Гаспром“ за набава на гасот за домашни потрошувачи по цена за 30 отсто пониска од берзанската во тој момент. Со овие количини ќе се снабдат повеќето компании во слободните зони, „Алкалоид“, топланите на ЕСМ, топланите на Скопје Север.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.