„VIVA L’OPERA!“, е насловoт на традиционалниот гала концерт што по повод празникот Василица, ќе се одржи в среда и четврток (12 и 13 јануари), во Националната опера и балет.
Ќе бидат изведени арии, дуети и хорски делници од светски познатите оперски дела од композиторите: Моцарт, Белини, Делиб, Пучини, Верди, Џордано, Леонкавало, Калман и Лехар.А, ќе настапат сопраните Весна Ѓиновска – Илкова , Сандра Митровска и Наде Талевска , тенорот Ѓорѓи Цуцковски , баритонот Марјан Јованоски и басот Александар Стефаноски.
Диригенти на концертот ќе бидат Бисера Чадловска и Иван Еминовиќ, а режисер е Дејан Прошев. Дизајнот на светлото е на Нино Митевски, концерт мајстор е Климент Тодороски, а хор мајстор- Јасмина Ѓорѓеска.
На концертот ќе настапат и хорот и оркестарот на НОБ.