Македонија

Алтернатива одлучува дали ќе биде дел од владината коалиција

Централното претседателство на Алтернатива вечерва на седница одлучува дали партијата ќе се приклучи кон Владата и парламентарното мнозинство или ќе остане во опозицискиот блок.

Членовите на Централното претседателство треба да му дадат насока на Централното собрание, највисокиот орган на партијата, кое треба да донесе финална одлука.

Дел од пратениците на Алтернатива сметаат дека доколку нивната партија донесе одлука да стане дел од Владата, услов треба да биде давањето предност на програмата на партијата, пред позициите во власта.

Партискиот лидер Африм Гашинајави дека при носењето на одлуката партијата ќе се води од очекувањата на своите гласачи, интересите на Албанците во Македонија и државните интереси.

Ако во преговорите видиме дека Зоран Заев навистина има искрена желба да ја спаси државата од овој грч, ќе се обидеме да му помогнеме. Длабоко сме заинтересирани за продолжување на евроатлантскиот курс на земјата, за отворање на преговорите за членство во ЕУ, за решавање на спорот со Бугарија и за политичка и економска стабилност, истакна Гаши.

Тој минатата недела имаше средба со премиерот и лидер на СДСМ Зоран Заев на која беше официјализиран предлогот Алтернатива, која има четири пратеници, да биде дел од владината коалиција, со што би се зголемило и владејачкото мнозинство во Собранието.

Пратениците на Алтернатива беа потписници на иницијативата за недоверба на Владата, но откако Кастриот Реџепи од Беса не дојде на седницата пропадна овој обид на опозициските партии. Сега, Заев се обидува да го зголеми мнозинството во Собранието со што наместо 61 пратеник би имало 65. Тоа би овозможило зајакнување на позициите на мнозинството и стабилна Влада.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Штипјанец кој палел огномети, со години ја лажел полицијата дека има фирма за таа намена

Дејан Дејан

Тахири: Ова е политички момент кој Таравари ќе сака да го употреби за да го оправда неговото политичко дејстувување

Дејан Дејан

Во Македонија најмногу се конзумира канабис – најчеста причина е намалување на стресот

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе