Претседателот Стево Пендаровски при посетата во Малме оствари средба со македонскиот православен свешетеник Блажо Кожарски од Македонската православна црква „Свети Наум Охридски“ како и со претставници од македонските друштва од Малме.
На средбата со свештеникот Кожарски, претседателот Пендаровски беше информиран за начинот на организирање и функционирање на црковната општина, којашто е прва во Европа, формирана во 1973 година, како и за тековните активности и соработката со шведските институции во насока на афирмирање на Македонската Православна Црква.
Како што соопшти Кабинетот на претседателот, претставниците на македонските друштва од Малме ги споделија со Пендаровски актуелните иницијативи за унапредување на дејноста на македонската заедница, како и за промовирање на нашата култура и традиција во Шведска. Во тој контекст беше нагласена важноста од континуирано негување на врските со нивната матична држава.
Претседателот Пендаровски на средбата со претставниците на македонската заеднница во Шведска истакна дека се повеќе се вреднува нејзината улога како активен чинител во севкупните општествено-политички и економски процеси во нашата држава.