Како се ситнат дозите на вакцини во земјава така расте интересот на населението за вакацина. Според министерството за здравство до пладнето се вакцинирани 26 014 граѓани а ако се спореди со податоците од петокот кога беа вакцинирани 18 261 , бројот пораснал за 7 753 вакцинации.
Ако се одземе неделата бидејќи салата Борис Трајковски се чистеше а таму се одвива масовна вакцинација тоа значи дека во просек во три денови се вакцинирани 2 600 граѓани. Но според сајтот ковид19 вакцинација, за околу 15 илјади граѓани пораснал и интересот за имунизирање. Но никој не кажува уште колку вакцини се останати.
Според директорот на здравствен дом Скопје Виктор Исјановски надлежен за организација на вакцинацијата во спортската сала, речиси се потрошени 20 илјади дози на спутник В, а за ревакцинација се чека да стигне втората доза за да се пушта од 26 април. Во меѓувреме таму има само 2 000 вакцини од Кина кои стигнаа доцна вчера.
Во меѓувреме од министерството известуваат дека од 24 600 дози на Астра Зенека до вчера се потрошени 8 000 дози. Зо нив завршува вакцинацијата на возрасните над 77 години во пунктовите низ земјата.
Конкретно за среда, четворток и петок отворени се термини за граѓани од 73 години и постари. Во следната фаза ќе бидат опфатени возрасни лица од 70 години и постари категорија што секако е опфатена со најголем број на хронични болести, со висок ризик за тешка форма на ковид 19 болест, компликации и смртен исход. Кога ќе се извакцинираат сите граѓани кои изразиле желба над 70 години, потоа над 65 години во зависност од достапноста на количини на вакцини ќе се приоретизираат хроничните болести, како и останати групи граѓани, велат од Министерство за здравство.
Телма направи пресметка по месеци како стигнуваа вакцините.
Во февруари донацијата од Србија прва и втора доза на Фајзеровите вакцини наменети за здравствените работници. Во март прва и втора доза на руските спутник и 24 600 те дози на Астра Зенека кои се платени од земјава преку ковакс механизмот. Во април северните соседи повторно донираа 20 000 дози од Спутник прва доза, и вчера Арапските Емирати 2 000 кинески Синофарм. Од сите овие речиси се е потрошено освен Астра Зенека со кои се вакцинираат луѓе над 60 години.
Најави има дека преку ковакс ке стигнат 100 620 вакцини на Фајзер но до јуни, а во меѓувреме нашите власти се надеваат дека ќе ја добијат првата количина од Кина купени во директна комуникација со производителите.
Во меѓувреме голем дел од ранливите категории граѓани се извисени, такви се луѓето со попреченост кои не се најдоа во планот за имунизација.
Билјана Николовска