Десетици дуќани и тезги пеплосани и штета што допрва ќе се утврдува. Сѐ уште е во чад трговскиот центар Глобал во Струмица. Пожарникарите и денеска гасат на одредени жаришта и се обезбедува објектот во центарот на градот. Сопствениците на дуќаните се во шок.
Премиерот Заев и градоначалникот Јаневски попладнево го посетија трговскиот центар. Разговараа со дел од сопствениците и ветија помош за реконструкција на опожарениот дел.
Пожарникарите велат дека не било едноставно да се влезе во објектот. Гасењето траеше околу пет часа.
Трговскиот центар Глобал е изграден на местото на некогашниот градски пазар. Работи повеќе од десет години.
Сузана Мицева
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.