Реформите воосновното образование , продолжуваат да ја бранува јавноста. Министерката за образование Царовска не остапува од најавите за промените во образовниот систем , а вчера беше и презентирано како ќе изледа новиот наставен план. За новиот концепт со споени предмети за прво и шесто одделение, денеска реагираа наставниците по ликовно и музичко, чии предмети исто така се спојуваат. Од здружението на ликовни педагози велат дека со предложените промени, најмногу ќе изгубат учениците, но и наставниот процес затоа што предметот ликовно образование е посебен предмет и дека истиот нема поврзаност со изборните предмети. Претседателката на музичики педагози, Гелеска во изјава за Телма , вели дека се уште не им е јасно какви ќе бидат измените и дека доколку се намали фондот на часови, основците ќе изгубат од континуитет.
Денеска реагираа пристигна и од Институот за социологија. Тие сметаат дека ова е несериозен пристап, кој пак не е за изненадување. Всушност, се продолжува со една вообичаена практика нетранспарентно „реформирање“ на нашето образование кое веќе повеќе заличува на „невладина организација“ отколку на сериозна институција, велат од таму. А и понатаму додаваат дека не може да се споредуваме со земја како Финска, бидејќи таму наставниците се подобро платени , мора да се магистри за да може да предаваат , а кај нас на студиите по одделенска настава на Педагошкиот факултет во Скопје се запишуваат млади со просечен со убедливо најлош просек на УКИМ.
И додека не стивнуваат реакциите од академската фела, премиерот Заев денеска ја дообјаснуваше министерката Царовска дека нема да се вклучени само педагозите туку декаа во подготовката на реформата во основното образование ќе бидат консултирани сите засегнати, почнувајќи од учителите и наставниците, универзитетски професори, како и МАНУ.
Инаку, академиците од МАНУ вчера излегоа со соопштение во знак на поддршка на институт велејќи дека тајмингот во којшто се носи концепт би можел да го деградира местото на предметот историја и на самата историска наука и да ја доведе во прашање автономноста на историската наука и на образовниот процес. Новиот концепт треба да почне од септември а реформите ќе чинат дополнителни 20 милиони евра , се очекува и странска помош.
Теодора Цветковска