На 67 годишна возраст почина Благоја Стефановски- Баге, поранешен министер за култура, директор на Битолскиот театар , театарски менаџер и актер.
Иако боледувал од друга болест, при направен тест, Стефановски бил позитивен за коронавирусот.
Баге беше директор на НТ-Битола во неговите златни години од 1975 до 1980. Тој е заслужен за големите успеси кои овој театар ги постигна, не само дома и во регионот, туку и на гостувањата во страство, обиколувајќи половина од светот со ансамблот. Стефановски беше министер за култура од 2002 до 2006 година, во владата на Бранко Црвенковски, а потоа го формира приватниот „Мал драмски театар“ во Битола.
Стефановски беше еден од креаторите на Новата европска театарска асоцијација и селектор на Фестивалот на камерен театар „ Ристо Шишков“ во Струмица. Добитник е на наградата „ 4 Ноември“, која минатата година ја доби од Општина Битола.
Ќе остане запаметен како човек кој својот професионален театарски идеал го исполни во целост и како соработлив и непосреден човек.