Билатералните прашања да останат билетерални, а не кочница на евроинтегративниот пат – порака на шефицата на австриската дипломатија од Скопје

Европската Унија (ЕУ) гледа што е направено во Македонија досега, а должност на Унијата е да овозможи билатералните прашања да останат билатерални, а не кочница на евроинтегративниот пат, порача министерката за надворешни работи на Австрија, Беате Мајнл Рајсингер.

Шефот на македонската дипломатија Тимчо Муцунски порача дека земјата продолжува да бара решение и вети дека во иднина нема да се дозволи повторно билатерални прашања да бидат пречка на патот.