Американскиот Стејт департмент денеска соопшти дека верува оти украинскиот претседател е „главна цел на руската агресија“, а во тоа верува и самиот претседател Володимир Зеленски.
„Претседателот Зеленски ги претставува, дури и ги отелотворува, демократските аспирации и амбиции на Украина и на украинскиот народ. Се очекува тој да биде главната цел на руската агресија“, изјави портпаролот Нед Прајс за Си-Ен-Ен.
Тој додаде дека американските власти со недели зборувале дека руски агенти се инфилтрирале во Украина и дека „оперираат во земјата“. Зеленски ги повтори американските коментари во Киев.
Имаме информации дека непријателот е главната цел, а потоа и моето семејство“, рече тој во видео пораката. Тој изјави и дека има лажни извештаи дека го напуштил Киев.
„Останувам во главниот град со мојот народ“, рече тој и додаде дека не смее точно да каже каде се наоѓа.