Првата фаворитка на Вимблдон, Ешли Барти за прв пати ќе игра во полуфиналето на овој грен слем турнир. Таа денеска лесно и убедливо ја совлада Аља Томљановиќ со 6-1 и 6-3. Следна противничка на Австралијката ќе биде победничката од 2018 година Анџелик Кербер, која пак денеска ја совлада Каролина Мухова со 6-2 и 6-3.
Каролина Плишкова исто така се пласираше во полуфиналето откако денеска во два сета со по 6-2 и 6-2 ја совлада Викторија Голубиќ. За тенисерката од Чешка ова е прво полуфинале во Лондон, а таму ќе игра со Арина Сабаленка, која беше подобра од Онс Жабер со 6-4 и 6-3.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.