Поддржаните од Иран Хути во Јемен соопштија дека во текот на ноќта лансирале две балистички ракети, меѓу кои и хиперсонична, кон аеродромот „Бен Гурион“ кај Тел Авив.
Портпаролот на бунтовничката војска, бригаден генерал Јахја Сари, изјави дека нападот привремено ја прекинал авионската сообраќајна активност и предизвикал масовно бегство на луѓето во засолништа.
„Операцијата успешно ја постигна својата цел и доведе до прекин на сообраќајот на аеродромот на околу еден час“, изјави Сари.
Израел не е дел од договорот меѓу САД и Хутите за прекин на нападите врз американски бродови во Црвеното Море.
Како одговор на нападите, Израел во петокот ја нападна територијата на Јемен по осми пат од почетокот на војната во Газа.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.