Имам закани по животот – тврди скопската градоначалничка Арсовска откако најде дива сепарација на песок од Вардар во општина Аеродром, на локација која и личи на Амазонија

Во видео кое го објави на својот фејсбук профил, градоначалничката Арсовска, обвини за бесправна експлоатација на коритото на реката Вардар, од фирма која нема никакви лиценци, елаборати, дозволи и одобренија ниту за работа, ниту за механизацијата со која ги извршувала, како што вели злоделата против природата.

Дополнително, додава Арсовска, тоа е потенцијална опасност по здравјето на граѓаните.

Арсовска, најави дека пред сведоци добила и закани по нејзиниот живот и на семејството, за што најавува кривична пријава за лицето Ќ.О. и неговите соработници.