Дел од родителите си даваат откази од работни места за да се грижат за своите повредени деца во пожарот во дискотеката Пулс Кочани, се затвораат и дуќани, семејни бизниси од страна на повредените додека им трае процесот на рехабилитација.
Деновиве од кочанскиот регион се слушаат и гледат траорни сведоштва од повредните и од родителите. Велат дека помош им е потребна во финансии, но и подобри услови во кочанската болница.
Власта и опозицијата денеска со нови ветувања дека ќе им помогнат. Премиерот, Христијан Мицкоски од Желино порача дека имаат организиран пристап, со цел да им се помогне на семејствата на повредените.
Опозициската СДСМ денеска од македонското собрание порача дека повторно во редовна постапка ќе го поднесат Законот за помош на семејствата кои имаат загинато или повредени деца, а кој не е политички, туку е човечки закон. Прифатени се забелешите од позицијата и низ дебата во македонска собрание може да се добијат подобри решенија за обештетување на семејствата на загинатите, а за повредените да добијат веднаш финансиска и институционална помош
Пратеничката група на ВМРО-ДПМНЕ возврати дека не сакаат да влезат во сценарието на политизација на трагедијата во која СДСМ упорно сака да ги внесе. Нивниот план е да се дуплира помошта и средствата за Кочани и за реализација на проекти, нови инвестиции и оптварање на 1.000 нови работни места, а здравствениот систем ќе им помага на повредените.
Силвана Петрова мајка на повредниот Трајче Петров за Супорт Кочани сведочи дека морала да даде отказ, за да се грижи и за Трајче, но и за останатите членови во семејството, бидејќи е самохран родител.
Долг е процесот на рехабилатција, бидејќи има изгореници по рацете и телото. Петрова вели дека во овој момент потребна и е помош од државата.
Во пожарот во дискотеката Пулс загинаа 62 млади луѓе, а околу 200 се повредени. Семејствата на загинатите денеска информираат дека во сабота во 16:05 го организираат седмиот Марш за ангелите.
Викторија Димитрова Јованова