Иако по претходен надзор имала предупредување дека може да настане хаварија, фирматаа Екопор си продолжила да работи. Земени се мостри и се испитува за какви хемикалии станува збор по вчерашниот инцидент во скопска Пинтија. Во меѓувреме градот Скопје ја казни копманијата со 45 илјади евра и 1 месец забрана за работа.
„И покрај инспекцискиот извештај за извршен технички преглед на опрема под притисок каде со заклучок е нотирано дека на вентилот има знаци на протекување, правното лице Екопор не превземало мерки да го спречи настанувањето на хаваријата на која сме сведоци денес. За овој објект кој е под надлежност на општина Кисела Вода апелираме до општината да постапи во рамки на своите надлежности, како и до ресорното министерствосо цел соодветно санкционирање на правното лице кое ја предизвика хаваријата“, велат од град Скопје.
Иако прозван, градоначалникот вели постапиле иако не било во нивна надлежност.
Во населбата Пинтија во Кисела Вода вчера од резервоар на објект на приватна компанија за производство на стиропор изграден во внатрешноста на населеното место, се излеале хемикалии користени во производствениот процес.
Симона Петровска