Во вооружен напад што се случил доцна синоќа во израелската населба Брухин на Западниот Брег, убиена бремена жена. Жртвата била пронајдена во автомобил во тешка состојба со прострелни рани, а покрај неа седел 40 годишен маж кој се обидувал да ѝ помогне.
Жената починала од повредите, а нејзиното бебе било спасено откако било извадено од нејзината утроба со царски рез и се наоѓа на интензивна нега.
Претседателот на Израел, Исак Херцог, го нарече нападот „ужасен терористички чин што го потресе целиот народ“, изразувајќи сочувство до семејството и надеж за закрепнување на повредениот сопруг. Израелската војска соопшти дека трага по напаѓачите кои избегале од местото на настанот.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.