Работнички запиша пораз на домашен паркет од Сутјеска со 58-71 во рамки на првото коло од групата Б во АБА2 кошаркарската лига. Ова беше враќање на најтрофејниот македонски клуб во регионалното натпреварување по три години.
Уште во првото полувреме се виде дека „центарци“ немаат сили да му се спротивстават на гостинот од Црна Гора. По првиот период беше 16-22, а на паузата помеѓу полувремињата Сутјеска водеше со 16 поени разлика. Гостите ја имаа највисоката предност во третиот период и тоа од +26, а во продолжението од дуелот Работнички само успеа да го ублажи поразот на 58-71.
Дамјан Робев со 13 поени беше најефикасен во редовите на македонскиот тим, додека Михајло Јовичиќ имаше еден поен помалку. Коби Вебстер со 15 поени најмногу се истакна кај Сутјеска.
Во следното 2.коло во рамки на групата Б, Работнички на 8.октомври гостува кај фаворитот Војводина. За потсетување, МЗТ стартуваше со победа над Теодо во рамки на групата А, додека Пелистер својот прв дуел во регионалното натпреварување го игра на 1.октомври против Широки во рамки на групата Ц.
Фото: КК Работнички