Со дуелот меѓу Македонија ЃП и Работнички се отвора 23-тото коло во домашниот фудбалски шампионат.
По две недели пауза поради настапите на репрезентацијата, продолжуваат мечевите во Првата македонска фудбалска лига.
Колото почнува со натпреварот меѓу градските ривали Македонија ЃП и Работнички.
Домаќинот има одлична серија од пет меча без пораз и во продолжението од сезоната забележа само еден пораз и тоа на отворањето од вториот дел со Академија Пандев на домашен терен.
Од тој момент Македонија ЃП има низа од две победи и три нерешени резултати.
На спротивната страна Работнички на гостувањето во Ѓорче Петров посакува да ја прекина лошата серија од три порази, а последен пат на победа составот предводен од Милан Илиевски славеше нас Скопје со 4:0.
Почетокот на натпреварот е закажан за 15 часот. Останатите средби се играат утре, а на програмата се мечевите Струга – Академија Пандев, Брегалница – Тиквеш, Шкупи – Скопје и Шкендија – Победа.
ФОТО: Игор Паневски