Кајрен Вилсон е елиминиран во осминафиналето на британскиот шампионат во снукер. Пред поразот од Марк Ален, тој изведе случаен удар, гаѓајќи ја црната топка, што веројатно уште долго ќе се врти на социјалните мрежи.
При резултат од 3:5 во фрејмови и 18:0 во деветтиот фрејм, Вилсон се обиде да ја внесе црната топка во долната десна дупка на масата. Ударот беше толку силен, па топката се одби од двата раба на дупката, по што „скокна“ на работ на масата и се движеше по него до дупката на средина на масата во која падна.
По тој удар, Вилсон промаши удар со една од црвените топки, го загуби фрејмот, а подоцна и мечот.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.