Мексиканскиот претседател Андрес Мануел Лопез Обрадор објави дека сакаат да му дадат политички азил на Џулијан Асанж, основачот на Викиликс, кого САД го обвинија за шпионажа.
Посочувајќи дека Асанж не претставува никаква опасност за Мексико, Обрадор изјави дека понудата за политички азил ја дале заради братство и солидарност.
Претседателот Обрадор, исто така, ги повика САД, кои сакаат да го гонат Асанж под обвинение за шпионажа, да „дејствуваат хумано и солидарно“, наведувајќи дека претходно напишал писмо до администрацијата на поранешниот американски претседател Доналд Трамп, барајќи од нив помилување за Асанж, но не добил одговор.
САД го обвинуваат 50-годишниот Асанж за „заговор за добивање информации за националната одбрана“ и „заговор за откривање“ откако тој објави стотици илјади протечени документи поврзани со војните во Авганистан и Ирак.
Асанж, кој се засолни најпрвин во Еквадор, а потоа во Англија поради поднесените тужби, иако не е осуден за никакво кривично дело поради американските обвинувања и барањето за екстрадиција од 2019 година е задржан во затворот Белмарш со висока безбедност во Лондон.
Се наведува дека Асанж може да добие најмалку 165 години затвор доколку биде примен во САД.