Претседателот на Бугарија Румен Радев изјави дека ќе го свика Советодавниот совет за национална безбедност со цел да се разговара за односот на Бугарија кон Република Северна Македонија и да бара консензус со сите политички партии во новиот бугарски парламент. Според МИА, Радев додаде дека за ова прашање е разговарано и со новиот премиер на Бугарија Кирил Петков.
- Бугарија ќе ја отвори вратата на Република Северна Македонија само со гаранции и заштита на нејзиниот национален интерес. Доколку се постигне такво решение, тоа ќе биде историски чин, но да не заборавиме дека овој процес – и како време и како резултат, е целосно во рацете на земјата кандидат, изјави бугарскиот претседател Радев.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.