Најмалку 13 луѓе ги загубија животите откако кабината со која се превезувале на жицарница се урнала на планината во близина на езерото Маџоре во северна Италија, потврдија спасувачките служби.
Трагичниот настан се случил на жицарницат со која се превезуваат патници од гратчето Стреса до блиската планина Мотароне во регионот Пиемонт.
Спасувачите потврдија дека две дечиња , на возраст од 5 и 9 години, биле пренесени со хеликоптер до болница во Торино.
Истовремено, се предупредува дека бројот на загинати во несреќниот случај може дополнително да се зголеми.
Причината за урнувањето на кабината засега не е позната, туку само дека тоа се случило на околу 300 метри од врвот на планината.
Жичарата започнала со работа 1970-тата година а од 2014-тата до 2016-тата не работела, заради проверките на техничката исправност.