Папата Франциск денеска пристигна во Ирак, што е прва посета на поглаварот на Римокатоличката црква во земјата, но и прва посета во странство од почетокот на пандемијата на коронавирусот.
Од епидемиолошки и безбедносни причини, ова е најризична посета што 84-годишниот поглавар, но тој инсистираше истакнувајќи дека тоа е негова обврска. Папата ќе се обиде да ја смири поделената христијанска заедница и да го зајакне меѓурелигискиот дијалог, во чии рамки ќе се сретне со водачот на шиитските муслимани во Ирак. Папата ќе одржи миса и на стадионот во Ирбил. Во центарот на Багдад се поставени билборди со ликот на Папата, со натпис „Сите сме браќа“.
10.000 припадници на безбедносните сили се распоредени за неговата безбедност, а во Багдад веќе во сила е и полициски час поради ширењето на коронавирусот.
Бројот на христијани во Ирак во последните две децении се намали од 1,4 милиони на околу 250.000, што е помалку од еден процент од населението. Во пресрет на посетата на Ирак, папата Франциск рече дека оди во мировен аџилак по повеќе години војна и тероризам.