По пласманот на Европското првенство и историскиот триумф против Грузија, нема одмор за македонските фудбалски репрезентативци.
Веќе утре ги очекува дуелот против Естонија во претпоследното коло од Лигата на нации, а в среда следува гостувањето на Кипар каде ќе се соочиме со Ерменија.
Со две победи во овие дуели нашите репрезентативци имаат реални шанси да го освојат првото место во групата и во следното издание од ова натпреварување ќе настапуваме во Б лигата.
“Истрошени сме психички и физички, ама ќе дадеме сè од себе да победиме. Утре со Естонија, имаме должност и желба да се бориме и да докажеме дека нема да застанеме само со пласман на Европското првенство. Ако ги добиеме двата дуели би биле први, па императив за нас е да победиме и да се пласираме во Б лигата”, истакна Иван Тричковски.
ФОТО: Игор Паневски