Влезот на полковникот на АРМ, Драган Ковачки, во Извршниот комитет на ВМРО-ДПМНЕ освен што донесе проветрување на лицата во раковдните структури на опозициската партија, ќе го проветри и Законот за служба во Армијата. На вчерашната седница на Советот за безбедност за безбедносните прашања за земјава, црвено светло кај присутните било запалено со високото позиционирање на армиски полковник во партиска хиерархија.
Вакво регулирање веќе има за припадниците на полицијата, кои можат да бидат членови на партија, но не и да бидат во раководни партиски структури или да имаат јавни политички настапи. Ова би се пресликало и во Армијата, со измена на Законот за служба во армијата, за кои не е потребно двотретинско мнозинство во Собранието.
Шекеринска која денеска ги презенитираше плановите на Министерството за одбрана и Армијата во претстојниот мандат на владата, за тоа што Македонија и по шест месеци како членка на НАТО се уште нема постојан воен претставник во Алијансата, вели дека процедурите за одобрување на нашиот претставник од страна на НАТО се уште не се завршени. Во декември 2019 Алијансата беше информирана дека полковник Зоран Секуловски е изборот на нашата земја за оваа позиција, со очекување потврдата од НАТО за него да стигне до полноправното членство во март.
Шекеринска денеска информираше дека министерството за одбрана ќе биде дел до планираното 20% намалување на администрацијата кое го најави владата, иако рече дека бројот на вработени во министерството веќе е намалено.
Но она нема да се намали се планирањата за модернизација на армијата, за што ќе се потрошат сите предвидени средства. Со тоа Одбарана, информираше Шекеринска, ќе има и малку пари за враќање во буџетот на држава со најавениот ребаланс. Армијата на земјава ќе се подмлади и со 200 нови припадници за што е веќе распишан конкурс.
Тамара Грнчароска