Утрово во 4 часот, при сообраќајна контрола на улица „Дисанска“ во Кавадарци, полициски службеници го лишиле од слобода А.М. (35) од село Глишиќ, кавадаречко.
При сообраќајна контрола, соопшти денеска МВР, е сопрено е патничко возило „цитроен“ со кавадаречки регистарски ознаки, кое го управувал А.М. и по преземените мерки е констатирано дека е под дејство на алкохол, односно му биле измерени 3,05 промили алкохол во крвта.
„А.М. е задржан во полициска станица, известен е јавен обвинител и по документирање на настанот против него ќе биде поднесена пријава по член 297-а од Кривичниот законик – „безобѕирно управување со моторно возило“, соопшти МВР.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.