Вести Свет

Тројца од четворицата исчезнати американски војници се пронајдени мртви во мочуриште во Литванија

Тројца од четворицата американски војници кои се водеа како исчезнати во Литванија, се пронајдени мртви, откако нивното возило било извлечено од мочуриште, соопшти денеска војската на САД.

„Тројца американски војници од Првата оклопна борбена бригада, во рамки на Третата пешадиска дивизија, се пронајдени мртви во Литванија“, соопшти прес-службата на американската војска за Европа и Азија, додавајќи дека продолжува потрагата по четвртиот војник.

Американската војска претходно соопшти дека војниците „изведувале планирана тактичка обука“.

„Спасувачките екипи, денеска од мочуриште во Литванија, извлекоа потопено возило со кое се превезувале војниците“.

Оклопното возило „М88 Херкулес“ е извлечено по шест дена по отпочнување на операцијата за спасување на полигонот „Пабраде“, во близина на границата на Литванија со Белорусија, пренесе Радио Слободна Европа.

Литванија, членка на НАТО и на Европската Унија, е домаќин на повеќе од 1.000 американски војници.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Поведена постапка против малолетник осомничен за силување петгодишно девојче

Дејан Дејан

Маск: Се надевам дека во иднина ќе има целосно слободна трговија меѓу САД и Европа

Дејан Дејан

Зигмар Габриел предлага Канада да биде во ЕУ

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе