Отпорни на надворешни влијанија, достава по карго, димензии и боја по желба. На Фејсбук се појавија огласи за продажба на налепници со „НМК“ за регистарските таблички на возилата, без притоа да биде наведена цената. Во истовреме, во станиците за технички преглед се создаде метеж за набавка на налепниците.
Министерството за внатрешни работи (МВР) претходно соопшти дека налепниците со НМК ќе бидат бесплатни за граѓаните.
Налепници со „НМК“ за регистарските таблички на возилата се појавија и во продавници ширум Скопје по цена од 50 денари за една или 100 денари за лепенка на предната и задната табличка на возилата. Граѓаните кја користат приликата, ги купуваат и самите ги лепат, со образложение дека сакаат да ги избегнат гужвите и процедурите во станиците за технички преглед.
Налепници во АМСМ нема, сообраќајните дозволи уште се наплаќаат