Повреден планинар денеска бeше спасен од падините на Шар Планина. Спасувачки тим со „ратрак“ го презел од местото каде што се наоѓал и го спуштил до скијачкиот центар каде што му е укажана медицинска помош, соопшти Центарот за управување со кризи (ЦУК).
Околу 14 часот на единствениот повикувачки број за итни случаи 112 во ЦУК е добиен повик за повреден планинар во повисоките делови на Шар Планина кај превојот меѓу Титов Врв и Бакардан.
„Планинарот се повредил кога се симнувал со својот другар по источната страна кон месноста „Мал Турчин“. Двајцата биле последни во групата со која што оделе. Заостанале малку и најверојатно, брзајќи за да ги стигнат колегите, едниот од нив се лизнал и ја повредил ногата“, наведуваат од ЦУК.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.