Писателот и културен деец Цане Андреевски почина денеска во Скопје, на 95-годишна возраст.
Роден во Кратово во 1930 година, Андреевски своето образование го започнал во родниот град, а го продолжил во Скопје, каде завршил учителска школа и дипломирал на Филозофскиот факултет.
Во текот на својата долга кариера, Андреевски остави длабока трага во македонската култура.
Беше активен уредник во списанија за деца и во весникот „Млад Борец“, а најголемиот дел од својот професионален живот го мина во Радио Скопје како уредник на Културната редакција.
За својот придонес е добитник на престижната награда „Кочо Рацин“ на РТВ Скопје на Струшките вечери на поезијата.
Погребот на Цане Андреевски ќе се одржи во понеделник, на 7 јули, на Градските гробишта Бутел во Скопје, со почеток од 10 часот.