Вести Свет Топ вести

Го прекрши Уставот, нападите во Јемен се без одобрување од Конгресот – демократите бесни на Бајден

По нападите на САД и Велика Британија врз Хутите во Јемен, американските демократи со критики за претседателот Џо Бајден. Тврдат дека го прекршил уставот.

„Претседателот треба да дојде во Конгресот, пред да почне напади врз Хутите во Јемен и да нè вклучи во уште еден блискоисточен конфликт“, твитна конгресменот Ро Хана.

Притоа тој се повика на член 1 од Уставот и порача дека ќе остане доследен во барањето за почитување на темелниот државен документ, без оглед дали во Белата куќа е демократ или републиканец.

„Делот 2Ц од од Законот за воени овластувања е јасен – Потус може да ги внесе САД во непријателства само по одобрување од Конгресот или во случај на вонредна состојба, кога САД се под непосреден напад“, продолжи демократот од Калифорнија.

Демократот Марк Посан изрази загриженост дека акцијата на Бајден во Јемен би можела да ги вовлече САД во уште еден децениски долг конфликт без одобрување на Конгресот.

„Белата куќа мора да соработува со Конгресот пред продолжување на овие воздушни напади во Јемен“, изјави тој.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Вучиќ: Студентските протести „ќе влезат во историјата на срамот“ како највалканата обоена револуција

Дејан Дејан

Српските студенти со огромен протест во Крагуевац

Дејан Дејан

Мицкоски: Македонија мора да добие извесност во напредокот кон ЕУ

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе