За две седмици Гевгеличани ќе протестираат против изградба на две мали хидроцентрали на реката Дошница на Кожув. Активистите против рудници се мобилизираат и велат дека се подготвени по секоја цена да спречат уништување на планината и водниот потенцијал.
Досега е изградена една мала хидроцентрала на Кожув, но за активистите е недозволиво понатамошно градење, бидејќи се сомневаат во начинот на кој се добиваат дозволите и какос е спроведува целата процедура.
Пред шест години Гевгелија прва во Југоистокот ја започна борбата против геолошки истражувања за минерални суровини, за отворање рудници на Кожув. Активистите велат дека планината и природните ресурси што ги поседува не смеат да бидат предмет на бизнис интереси на поединци.
Сузана Мицева
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.