Намерно или не, американците денеска го сместија Орце Камчев во многу непосакувано друштво, за кого велат дека е бизнисмен (а има и сопственост во приватна болница), но го сместија меѓу белгиска нарко група и мексикански дилер.
Денеска американското Министерство за финансии ја дополни црната листа на OFAC со 5 имиња, а меѓу нив е Орце Камчев, за кого велат дека има сериозни криминални дела од 2000-тата наваму поради што му забранија пристап во САД и му ги замрзнуваат сите средства, поседи и имоти поврзани со него и неговите фирми на територија на Соединетите американски држави. Покрај тоа, меѓу назначените санкции за Камчев се посочени и забрана за финансиски трансакции со Орце Камчев и неговите правни лица, бидејќи на тој начин, тие што соработуваат со него, се ставаат на потенцијална листа за санкции.
Покрај Камчев, денеска на црната листа на САД заврши и дилерската група која продавала кокаин низ Белгија и западна Европа и сега се крие во Дубаи. На листата се браќата Јунес и Отман Ел Балути, како и Јусеф Беназа. Сите имаат белгиско државјанство.
Веднаш зад нив е Камчев, а после Камчев исто така поради нелегална трговија со дрога на црната листа на САД е ставен и Франко Табарез Мартинез кој има мексикански пасош и е дел од картел во државата која се наоѓа на југ од САД.
