Не се смируваат тензиите, но и провокациите на релација Запад – Русија за ситуацијата со Украина. САД ја обвини Русија дека планира буквално да измисли напад на украинската војска на проруските бунтовници и да емитува лажни снимки за да создаде изговор за инвазија на Русија, тврдат американските власти.
За Кремљ, ова не е првпат во САД да провоцираат со вакви материјали, за наводни руски планови, но тоа никогаш не се случило. Ова го вели портпаролот на Кремљ, Дмитриј песков, кој ги осуди изјавите како празна и неоснована ескалација на тензиите, нагласувајќи дека Русија не претставува закана за никого. Во исто време, Песков не ја исклучи можноста од провокација за да се оправдаат таквите тврдења и предупреди дека обидите за насилно решавање на украинскиот конфликт ќе имаат исклучително сериозни последици.
Американските разузнавачи веруваат дека Русија направила план за монтиран инцидент со кој би се оправдала инвазијата на Украина. Според тврдењата на високи американски функционери, една од опциите кои Русија ги разгледува е фабрикување и снимање лажен напад, при што снимките би вклучувале експлицитни глетки на експлозии со голем број жртви.