Историчарот Вачно Ѓорѓиев официјално се уште е член на Комисијата за историски прашања со Бугарија, бидејќи формално-правно тој се уште не поднел оставка, информираат од МНР за Телма.
Министерство за надворешни работи: „Засега, информациите за јавната оставка на еден член на Мешовитата комисија за историски и образовани прашања е само усно изразена волја без никаква поткрепа во форма на писмен документ. Во овој момент Договорите на сите членови на Комисијата се Валидни, и сѐ додека формално некој од нив не се раскине, правата и обврските кои произлегуваат од овие Договори на сите членови е во целосен капацитет“.
Професорот Ванчо Ѓорѓиев во петокот преку соопштение ја информираше јавноста дека се повлекува од работата на Комисијата, поради, како што наведе, политички притисок врз работата на Комисијата на висок функционер на МНР. На ваквите наводи на Ѓорѓиев веднаш стигна демант од МНР, но и од Владата за вршење на влијание врз работата на Комисијата, а шефот на дипломатијата Бујар Османи најави дека ќе ги испита наводите на Ѓорѓиев за притисоци.
Инаку од МНР информираат дека било кој член на Комисијата може да побара раскинување на договорот, што наједноставно се прави преку пополнување на писмен документ во Министерството.